YOUR CANAAN
Emmanuel Job@jobemmanuel287236
16 hours ago
Tell me,
Why would this monkey be fed with sour water?
Drinking from the pool of Mara like say na him commit the sin of Israel.
Wandering like Cain, cursed to roam,
Like dry bone wey no get home.
Hoping to draw from the bucket in the corner,
But the well dry, like say Elijah don pray fire again.
Why this monkey dey feel peeled like this? Like unusual,
Swimming inside him own ocean of wahala, every hassle night.
Sleep dey far like promised land,
Yet dream dey close like Jordan river edge.
What be this feeling?
At forty, he dey look ninety-nine
Like Sarah laugh say miracle no fit reach am.
Monkey wey suppose dey swing joyfully for tree of life,
Now dey crouch under fig tree,
No leaf, no fruit,
Just silence wey loud pass trumpet of Jericho.
But wait
Na who talk say Mara go last forever?
Even Naomi return to sweetness.
Na bitter cup today,
But joy cometh in the morning — so says Psalm thirty verse five.
So monkey, wipe your face.
The desert na just passage,
Your Canaan dey wait.
#poetry
#spokenword
#Dvoice
#nircle
